مچ آ قوم ءِ تینا شہید آتیا فخر ءِ ہرافک تینا جان تے ندر کرسا وطن عزیز نا رکھ و سلامتی وامن نا بحالی کن قربانی تا پوسکن ءُ تاریخ اس نوشتہ کریر، شہید آتا خاہوت آتے تنیا الیپنہ، کمانڈر سدرن کمانڈ لیفٹیننٹ جنرل عاصم سلیم باجوہ

کوئٹہ۔ 06 ستمبر (اے پی پی ) کمانڈر سدرن کمانڈ لیفٹیننٹ جنرل عاصم سلیم باجوہ پارینے کہ مچ آ قوم ءِ تینا شہید آتیا فخر ءِ ہرافک تینا جان تے ندر کرسا وطن عزیز نا رکھ و سلامتی و امن نا بحالی کن قربانی تا پوسکن ءُ تاریخ اس نوشتہ کریر شہید آتا خاہوت آتے تنیا الیپنہ و اوفتے مون تروک غٹ ویل آتے ایسر کننگک۔ داخیال آتا درشانی ءِ او سیکورٹی فورس آتا شہید آتا خاہوت آتون اوڑدہی آن پد میڈیا تون ہیت وگپ کرسا کرے۔ داوخت آ وزیراعلیٰ بلوچستان جام کمال خان ہم اوڑتون اوار ئس، کمانڈر سدرن کمانڈ پارے کہ بلوچستان پولیس ءِ دہشت گردی تون مون تننگ کن پوسکن آوڑتیا کسبی تربیت تننگ انگ ءِ ہراڑآن پولیس نا کارکڑد اٹی پدریسہ گچینی بریک۔ اوپارے کہ اینو مچ آ پاکستان اٹی ہربندغ نا اسہ ہی نعرہ سے کہ ننے پاکستان تون پیار ءِ ، داکان مست کمانڈر سدرن کمانڈ لیفٹیننٹ جنرل عاصم سلیم باجوہ سیکورٹی فورس آتا شہید آتا خاہوت آتون اسٹ اسٹ آ اوڑدہی کرے و اوفتا ویل آتے بِنگ۔