چیف آف آرمی اسٹاف جنرل قمر جاوید باجوہ تینا اُرائی تون اوار سب انسپکٹر عباس شہید نا اُراغا بس، اونا قوم اکن عظیم قربانی تے خراج عقیدت پیش کرے

راولپنڈی۔ 06ستمبر (اے پی پی) چیف آف آرمی اسٹاف جنرل قمر جاوید باجوہ و اونا اُرائی یوم دفاع نا وخت آ پولیس نا شہید سب انسپکٹر عباس نا اُراغا ہنار و اونا قوم اکن عظیم قربانی تے خراج عقیدت پیش کریر۔ آئی ایس پی آر نا ڈی جی میجر جنرل آصف غفور نا کنڈآن جاری ٹویٹر کلہو اٹی پاننگانے کہ چیف آف آرمی اسٹاف جنرل قمر جاوید باجوہ و اونا اُرائی شہید پولیس سب انسپکٹر عباس نا اُراغا ہنار و اونا خاہوت تون اونا قوم اکن تروک آ عظیم قربانی آ اوفتے و پاکستان نا ایلو شہید آتے خراج عقیدت پیش کریر۔ داوخت آ آرمی چیف پارے کہ جان آن زیات پین ہچ ءُ قربانی اس اف، ننا زند پاکستان کن وقف ءُ۔