اسلام آباد۔ 06ستمبر (اے پی پی) بنجائی وزیر اطلاعات و نشریات چوہدری فواد حسین پارینے کہ 6ستمبر داعزم اناتجدید نا دے ءِ کہ قوم 1965ء نا جنگ انا ولولہ و جوزہ تون یکجا مریک و ہم گرنچی نا درشانی ءِ کرسا پاکستان ءِ ناقابل تسخیر فلاحی ریاست اس جوڑ کیک۔ پنچ شنبے نادے تینا اسہ بیان اسے ٹی چوہدری فواد پارے کہ دادے لمہ وطن نا نظریہ و جغرافیہ نا رکھ اکن سلہہ بند فوج و پاکستان نا الس تون یکجہتی نا درشانی نا دے ءِ۔ اوپارے کہ 6ستمبر نا دے ملک انا دشمن تے دا یات ترفک کہ پاکستان نا سلہہ بند فوج و اونا الس یکجاءُ ہرافتا دتر اٹ آجوئی، سالمیت نا پوسکن آ دے دے ٹک تس و قومی ءِ پوسکن ءُ پت اس رسینگا۔ اوپارے کہ ننا شہید آک قوم انا فخر آک ءُ ہراک تینے آن کیہی بھلا دشمن تے شکست تسر و لمہ وطن نا دفاع نا پوسکن ءُ تاریخ اس لکھار۔ بنجائی وزیر اطلاعات پارے کہ 6 ستمبر آ نن تینا شاری، فنکار، ادیب و زند انا بشخ اتون تعلق تخوک آ ایلو شخصیت آتے ہم سلام پیش کینہ ہراک ثابت کریر کہ نن اسہ قوم اسے اُن۔ اوپارے کہ دنیا کن اینو نا کلہو دادے کہ کشمیرنا ویل انا ایسری آن بیدس سویلی ایشیا ٹی پائیدار امن مننگ کپک۔ اوپارے کہ شہید آتا دتراٹ روشنا مروک آ شمع داہیت انا صفا ءُ پڑو اسے کہ قوم ہر مہم جوئی نا حالیت اٹ لمہ وطن نا دفاع ءِ کننگ کن ہر قربانی ءِ تننگ کن تیار ءُ۔
