اقوام متحدہ۔ 06ستمبر (اے پی پی) اقوام متحدہ ٹی پاکستان نا آخبتی مندوب ڈاکٹر ملیحہ لودھی کیہی عشرہ غاتیان ایسر نا چاری کشمیر نا ویل ءِ تالان کرسا جہانی جھیڑہ غاتا ایسری ٹی اقوام متحدہ نا کڑد ءِ سوگو کننگ نا خواست کرینے۔ جنرل اسمبلی نا 73می دیوان آن مست دنیا، شونہالی و سوگوی ءِ مون تروک خلیس و چیلنج آتا حالیت امن نا کلچر نا تشکیل نا سرحال آ خیال آتا درشانی ءِ کرسا پاکستانی مندوب پارے کہ ننے بھلو وخت اسے آن ایسر نا چاری و پیچیدہ جھیڑہ غاتے بیرہ ہنداخاطرآن گوجالنگپ کہ اوفتا ایسری بظاہر مشکل نظر بریک داوڑتو پائیدار امن اسہ تغ اس ہی سلک۔ بھلو کچ اسے آ تالان معاشی و راجی محرومی، انسانی حق انا خلاف ورزی و سیاسی و معاشی نا انصافی تا ساڑی گری ٹی پائیدار امن قائم کننگ مفک۔ پاکستانی مندوب پارے کہ درملکی کوزہ و بنداوی حق بشمول حق خودارادیت آن نہ من مقبوضہ علاقہ غاتا رہینگوک و جبر نا نشانہ جوڑ مروک آ بندغ آتے ٹی ناانصافی نا احساس ودی کیک۔ مقبوضہ کشمیرو فلسطین داحالیت آتا غٹ آن نمان مثال آک ءُ۔
