واشنگٹن ۔ 5ستمبر (اے پی پی) امریکا ءِ دری کارانی وزیر مائیک پومپیو ءَ گوشت کہ پاکستان ءِ تروتاب ءِ ساعت ءِ سرا نوک گچین مزن وزیر عمران خان ءِ گوما گند ءُُ نند ءِ آسر ءَ پاک امریکا سیادی ءِ بحالی ءِ تہ کمک رسیت۔زرباری ایشیاءِ تروتاب ءِ بنداتی چہ پیسر ءَ میڈیا ءَ گوں گپ ءُُ تران کنان ءَ آہاں گوشت کہ اوگانستان ءِ تہ امن ءُُ ایمنی ءِ گہتری ءِ ھاترا امریکا ءِ پیسرگیں سفیر زلمے خلیل زاد ءَ را نوکیں زمہ داری دیئگ بوتگ ات۔ سی آئی اے ءِ پیسریگیں ڈائریکٹر ءَ امیت ءِ درشان کتگ کہ اوگان جیڈھ ءِ حل ءِ ھاترا پاکستان ءِ کمک ھاس انت ءُُ پاکستان ءِ نوکیں راھشون ءَ گوں گند ءُُ نند چہ دوئیں ملکانی سیادی ءَ را گہتر کنگ ءَ کمک رسیت۔آہاں گوشت کہ دوئیں حکومتاں را لہتیں جیڈھانی دیم انت بلے امیت انت کہ پاکستان ءِ نوکیں راھشوناں گوں گند ءُُ نند ءِ پدا یکجاھیں لاحہ عمل ءِ ردا ھواری ءَ کار کنان ءَ جیڈھ ءَ گیش ءُُ گیوار کنگ بیت۔
