اسلام آباد ۔ 5ستمبر (اے پی پی) الیکشن کمیشن ءَ صدارتی گچینکاری ءِ حتمی آسرانی جار جتگ۔ تحریک انصاف ءُُ اتحادی گلانی امیتوار عارف الرحمن علوی 352 ووٹ زرت سوبمند بوتگ ات، مسلم لیگ (ن) ، ایم ایم اے ءُُ دگہ اپوزیشن گلانی امیتوار مولانا فضل الرحمان ءَ را 184 ءُُ پیپلزپارٹی ءِ امیتوار اعتزازاحسن ءَ را 124 ووٹ زرتگ ات، بنجاہی اسمبلی، سینیٹ ءُُ چاریں صوبائی اسمبلیانی الیکٹورل کالج ءِ مچ 1110 ووٹ کاسٹ کنگ بوتگ ات ایشاں چہ 28ووٹ رد بوتگ انتوھدیکہ 1082 ووٹ درست قرار دیئگ بوتگ ات۔ ریٹرننگ آفیسر ءِ نیمگا چہ فارم 7ءِ سر ا جاڑی آسرانی ردا بنجاہی اسمبلی ءِ تہ مان کتگیں ووٹانی کساس 430ات ایشاں چہ 6ووٹ رد بوتگ ات۔ 424ووٹ درست گوشگ بوتگ ات ایشاں چہ ڈاکٹرعارف علوی ءَ 212، مولانا فضل الرحمن ءَ 131 ءُُ اعتزازاحسن ءَ 81 ووٹ زرتگ ات۔ پنجاب اسمبلی ءِ تہ مچ کاسٹ کتگیں ووٹانی کساس 351ات ایشاں چہ 16ووٹ رد بوتگ ات ءُُ335ووٹ درست گوشگ بوتگ ات ایشاں چہ ڈاکٹرعارف علوی ءَ 187، مولانا فضل الرحمن ءَ 142 ءُُ اعتزازاحسن ءَ 6 ووٹ زرتگ ات۔ سندھ اسمبلی ءِ تہ کاسٹ کتگیں ووٹانی کساس 158ات ایشاں چہ یک ووٹ رد بوتگ ات وھدیکہ 157 ووٹ درست قرار دیئگ بوتگ ات ایشاں چہ ڈاکٹرعارف علوی ءَ 56، مولانا فضل الرحمن ءَ یک ءُُ اعتزازاحسن ءَ 100 ووٹ زرتگ ات۔خیبر پختونخوا اسمبلی ءِ تہ مچ کاسٹ کتگیں ووٹانی کساس 111ات ایشاں چہ 5ووٹ رد بوتگ ات ایشاں چہ ڈاکٹرعارف علوی ءَ 76، مولانا فضل الرحمن ءَ 25 ءُُ اعتزازاحسن ءَ 5 ووٹ زرتگ ات۔ بلوچستان اسمبلی ءِ تہ مان کتگیں ووٹانی کساس 60ات ایشاں چہ ہچ ووٹ رد نہ بوتگ۔بنجاہی اسمبلی ،سینیٹ ءُُ چاریں صوبائی اسمبلیانی الیکٹورل کالج ءِ 1110ووٹ کاسٹ بوتگ ات ایشاں چہ 28ووٹ رد بوتگ ات وھدیکہ 1082ووٹ درست گوشگ بوتگ ات۔اے حتمی آسرریٹرننگ آفیسر ءِ نیمگا چہ بنجاہی حکومت ءَ را دیم دیئگ بوتگ ات ہمہ ایشی ءِ نوٹیفکیشن شنگ کن ایت۔
