اسلام آباد۔ 04 ستمبر (اے پی پی) وزیراعظم عمران خان پٹرولیم ڈویژن ءِ ملک اٹی گیس دُزی نا توننگ کن جامع ڈٹ اس جوڑ کننگ نا پارت کرینے ہرانا بناء آ قومی خزانہ ءِ سالانہ 50 ارب نا نسخان ہرفوئی تمنگ ءِ۔ اوداپارت ءِ سے شنبے نادے وزیراعظم آفس اٹی تیل وگیس انا بشخ انا بابت اسہ احوال اسے نا کماشی ءِ کرسا تس۔ وزیرپٹرولیم غلام سرور خان، ایڈیشنل سیکرٹری انچارج پٹرولیم ڈویژن میاں اسعد حیاالدین و سینئر سرکاری آفیسر آک دیوان اٹی ساڑی ئسر۔ ایڈیشنل سیکرٹری انچارج پٹرولیم ڈویژن وزیراعظم ءِ ملک اٹی گیس و تیل انا بشخ اٹی طلب و رسد نا حالیت آتا بارواٹ سرجم بریفنگ تس۔ وزیراعظم ءِ ’’تاپی‘‘ و پاک ایران گیس پیپ لین نا جوڑ جاڑ و فعالیت آ پیش رفت تون اوار اوار ایلو اہم ڈٹ آتا بارواٹ ہم معلومدار کننگا ہرا ملک انا ودوک آ توانائی نا گرج آتے پورو کننگ کن زیر غور ءِ۔ اوگیس انا بہاء کننگ نا نرخ آتے معقول جوڑ کننگ، قابل وصول پیسہ غاتا بازیابی، پالیسی تیا عدم عملدرآمد و دافتے ٹی وار وار بدلی ہراٹی زرکارآتا پت ءِ ٹھیس ملک، گدرینگوک آ پنچ سال اٹی تیل وگیس انا پٹنگ نا بلاکس ایوارڈ کپننگ تون اوار چندی ویل آتے ہم تالان کرے۔
