اسلام آباد۔ 04 ستمبر (اے پی پی) بنجائی وزیر اطلاعات و نشریات فواد چوہدری پارے کہ حکومت تینا بنائی 9 دے اٹی تاریخی کاریم کرینے، اکنامک ایڈوائزری کونسل اس جوڑ کننگا، ریاستی میڈیا غا سنسر شپ ءِ چٹفے، وخت اس کہ ’’پلانٹ فار پاکستان ‘‘ مہم نا رداٹ مچ آ ملک اٹی اسہ دے اٹی 15 لکھ نیال خلکونے۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا و اے پی پی تون خصوصی ہیت وگپ کرسا بنجائی وزیر پارے کہ اقتدار نا گدریفنگ نا اہم مرحلہ پورو مننگ آ پاکستان نا الس ءِ مبارکبادپیش کیوہ، بنجائی وزیر پارے کہ الس ءِ بھاز زوت حکومت نا کنڈآن معیشت نا سوگوی نا بابت ہم عملی گام گیج آک نظر بریرہ ۔ صدارتی گچین کاری نا بابت او پارے کہ پاکستان تحریک انصاف نا پندار اومیت دار ڈاکٹر عارف علوی بھلو گیشتری اسے اٹ صدر گچین مریک۔ او بے کچ کسبی و متوسط تپہ غان تعلق تخوک ءُ بندغ اسے۔ بنجائی وزیر پارے کہ ڈاکٹر عارف علوی عمران خان تون ہمووخت آ ساتھ تس ہراتم پاکستان تحریک انصاف چنکو جماعت اس ئس ، او نظریہ تون ثابت قدم مس۔ بنجائی وزیر پارے کہ بدلی نا سفر نا اہم مرحلہ ڈاکٹر عارف علوی نا کماشی ٹی عبور مننگ ءِ، اینو چاگڑد بھاز جوان ءِ، اپوزیشن ہم صدارتی گچین کاری نا بابت گچین کڑد ادا کرے۔
