اسلام آباد۔ 3 ستمبر (اے پی پی) درئی کارانی وزیر شاہ محمود قریشی ءَ گں آسٹریلیا ءِ پیسریگیں سینیٹر لی تیاریانون ءَ گند ءُُ نند کت۔ گند ءُُ نند ءَ وزیر ءِ درئی کار ءَ بھارتی مقبوضہ جموں کشمیر ءَ بنی آدمی ھک آنی ھلاپ کنگ ھاسیں رنگ ءَ او ایچ سی ایچ آر ءِ رپورٹ ءِ رد ءَ بنی آدم آنی ھک آنی جاور ھال آناں سہرا کت۔ رپوٹ ءِ تہ ءَ کمیشن آف انکوائری جوڑ کنگ ءِ سپارش کنگ بوتگ۔ آسٹریلیا ءِ پیسریگیں سینیٹر لی ریانون پاکستان ءُُ آزات کشمیر ءِ 6روچی تر ءُُ تاب ءَ اِنت۔ بھارتی مقبوضہ کشمیر ءَ بھارتی ظلم آناں سہرا کنان ءَ وزیر ءِ درئی کار ءَ گوشت کہ 1989ءَ پد بھارتی اُرد ءَ کساس یک لکھ کشمیری آناں شہید کتگ، یک لکھ ءَ چہ گیش زھگ آناں یتیم بوتگ، 22ہزار زالبول ءُُ کساس 11ہزار زالبول آناں بے ننگ ءُُ ریپ کنگ بوتگ۔ وزیر ءِ درئی کار ءَ گوشت کہ اے وھد ءَ میاں اوستمانی برات مقبوضہ کشمیر ءَ بھارت ءِ نیمگ ءَ بنی آدم آنی لگت مالی ءَ را گر ءُُ دار ءِ ھاترا جوانیں گامگیج کتگ۔
