اسلام آباد۔ 03 ستمبر (اے پی پی) ساڑی آ حکومت سی پیک نا بھرم آتے بنداوی کہول اسکان سرکننگ کن کوشست کننگ ءِ ، ہرا چین و پاکستان نا نیام اٹ اسہ بے مٹ ءُ ڈل اسے۔ پاکستان اٹی پبی وڑاٹ زرکاری ءِ مون آ دننگ انگ ءِ، چین نا کمکاری نا محور پاکستان نا پیداواری لائخی ءِ گچین جوڑ کننگ و اونا برآمد آتیا مبنی صنعت آتے مون آ دروئی ءِ۔ پاکستان ءِ چین آن بڑزکو معیاری و پوسکن آ صنعتی ٹیکنالوجی تا منتقلی ءِ ہم برجاتخنہ۔ سی پیک سیکرٹریٹ نا کمامدارآتارداٹ چین پاکستان اقتصادی راہداری ڈٹ آن پاکستان اٹی روزگار نا وارخواہی تیٹی ودکی مسنے، چین پاکستان اقتصادی راہداری چین نا اسہ پٹی اسہ شاہراہ گام گیج نا 6 راہداری تیان اسہ اہم ءُ اقتصادی راہداری اسے۔ سی پیک ڈٹ انا رداٹ چین پاکستان اٹی 56ارب ڈالر آن زیات نا زرکاری کننگ ءِ۔ چینی 34 ارب ڈالرز نا زرکاری پاکستان اٹی توانائی نا بابت بناء کروک آ گیشتر ڈٹ آتیا خڑچ کننگ ءِ و داڈٹ آتے ٹی گیشتر پوروی نا مرحلہ غاتا کنڈآ ترندی اٹ روان ءُ۔
