اسلام آباد۔ 3 ستمبر (اے پی پی) مزن وزیر ءِ مشیر برائے موسمی مٹ ءُُ بدلی ملک امین اسلم ءَ گوشت کہ ملک ءَ جنگلی زندمان ءِ بابت ءَ اولی قومی پالیشی ءِ مسل زوت منظوری ءِ واستہ کابینہ ءِ دیوان ءَ پیش کنگ بیت۔ آ دو شمبے ءَ ادا پارلیمنٹ گس ءَ کلائمیٹ چین ءِ دیوان ءَ گشتانک دیگ ءَ اَت۔ دیوان ءِ سروکی ءَ چیئرپرسن کمیٹی سینیٹر شیری رحمان کنگ ءَ اَت۔ مزن وزیر ءِ مشیر ءَ گوشت کہ حکومت موسمی مٹ ءُُ بدلی ءِ ھوالگ ءَ جیڈھ آنی گیواری ءِ واستی جزمیگ اِنت، خیبرپختونخوا ءَ بلین ٹری سونامی ءِ منصوبگ کامیات بوتگ، نوں ایشرا قومی تک ءَ بندات کنگ بوھگ ءَ اِنت۔ اے موہ ءِ سر ءَ کلائمیٹ چینج ءِ چیئرپرسن شیری رحمان ءَ گوشت کہ پاکستان موسمی مٹ ءُُ بدلی ءِ آسر آنی آماچ بوھگ ءَ اِنت، کلائمیٹ موسمی مٹ ءُُ بدلی ءِ ھوالگ ءَ جیڈھ آنی گیواری ءِ واستہ سفارش ءُُ شور ءُُ سلاھ رد ءُُ بند کنت۔
