مزن وزیر عمران خان ءَ گوں جاپانی درئی کارانی وزیر ءِ مملکت کازوکی ناکانی ءِ گند ءُُ نند، دو نیمگی یکوئی ءُُ وت مہ وتی دمگی واھگ ءُُ میاں اوستمانی جیڈھ آنی سر ءَ ھیال ریچی کنگ بوت

اسلام آباد۔ 31 اگست (اے پی پی)مزن وزیر عمران خان ءَ بنی آدمی آسراتی آنی دیمروئی آناں وتی حکومت ءِ ترجی نامینت اَنت توامیں شوبگ ھاسیں رنگ ءَ تجارت، سرمایہ کاری، اقتصادی ءُُ بنی آدمی دیمروئی ءِ پڑ ءَ جاپان ءِ گوما ھوار ءُُ ھمگام کنگ ءِ واھشت ءِ درشان کت۔ آئی ءَ اے گپ جاپان ءِ وزیر ءِ گوما یکجائی ءَ کار کنگ ءِ واھشت ءِ درشان کت۔ آئی ءَ اے گپ جاپان ءِ وزیر ءِ درئی کارانی مملکت کازوکیناکانی ءَ گوں تران کنان ءَ گوشت آئی ءَ آدینگ ءِ روچ ءَ آئی ءَ گوں وش اتکی گند ءُُ نند کت۔ گند ءُُ نند ءِ ساھت ءَ دو نیگمی ءُُ وت مہ وتی دمگی واھشت ءُُ میاں اوستمانی جیڈھ آنی سر ءَ ھیال ریچی کت۔ وانگ ءُُ زانگ ءُُ جان سلامتی ءِ شوبگھگ ءَ کمک ءِ گوما ورنا آنی بلدکاری ازمکاری ءَ را گیش ودینگ ءَ ھوار دو نیمگی پراھ ءُُ شاھیگانیں کمک ءِ امیت آنی سر ءَ چار ءُُ تپاسی ھم گرگ بوت وھدیکہ دوئیں ملک آنی نیام ءَ رابطہ آنی تہ ءَ گیشی ءِ جزم ءِ درشان کت۔ وزیر ءِ مملکت ءَ پاکستان تحریک ءِ انصاف ءِ استیں گچینی کامیاتی ءُُ مزن وزیر ءِ سیٹ ءِ گرگ ءِ پد ءَ مزن وزیر ءَ را مبارکی دات ءُُ جاپانی مزن وزیر شنزوایبے ءِ نیمگ ءَ وتی پاکستانی ھمکار ءِ گوما یکجائی کار کنگ ءِ جزم ءِ درشان کت۔