اسلام آباد ۔ 31 اگست (اے پی پی) وزیر عمران خان ءَ گوشت کہ ملک ءَ وانگ ءُُ زانگ ، کار رپک ءِ ھمکچی ءُُ ورنا آناں سائنس ءُُ ٹیکنالوجی ءِ شوبگ ءَ نوکیں زانشت ءِ آسراتی ءِ پُجاری پی ٹی آئی حکومت ءِ اولی ترجی آنی تہءَ ھوار اِنت، ٹوھیں زانشت ءِ دیمروئی ءِ واستہ زانتکار آنی لیکہ آں چہ سیت چست کنگ بیت۔ آئی ءَ اے گپ ڈاکٹر عطاء الرحمان ءَ گوں تران کنان ءَ گوشت آئی ءَ آدینگ ءِ روچ ءَ ادا گند ءُُ نند کت۔ گند ءُُ نند ءَ بُنجاھی وزیر شفقت محمود چیئرمین ایجوکیشن کمیشن ڈاکٹر طارق بنوری، پروفیسر محمد مجاہد ءُُ راشد خان ھم ھوار اتنت۔ ڈاکٹر عطاء الرحمن ءَ ملک ءَ ہائرایجوکیشن ءُُ ھاسیں رنگ ءَ سائنس ءُُ ٹیکنالوجی ءِ شوبگ ءَ ٹوھیں وانگ ءُُ زانگ ءِ دیمروئی ءِ واستہ مزن وزیرر ءَ را جتا ئیں سپارش پیش کت۔ مزن وزیر گس ءَ ٹوھیں زانشت ءُُ جدید ریسرچ سنٹر جوڑ کنگ ءِ سر ءَ گپ ءُُ تران ھم بوت۔ مزن وزیر ءَ گوشت کہ حکومت ءِ نیمگ ءَ چہ یونیورسٹی آنی جیڈھ آنی گیواری ءِ واستہ لوٹ کتگیں آسراتی آنی پُجاری دل یکیمی کنگ ءِ ھمک رنگ ءِ کوشست کنگ بیت۔
