اسلام آباد ۔ 31 اگست (اے پی پی) مزن وزیر ءِ سلہ کار برائے موسمیاتی بدلی ملک امین اسلم ءَ گوشت کہ بلین ٹری سونامی ءِ منصوبگ سوبمند بوتگ انوں اے منصوبگ ءَ را دراھیں ملک ءَ پراھی دیئگ بوھگ انت۔اے درگت ءَ ایشیائی ترقیاتی بنک ءِ نیمگا چہ کمک ءَ را وش اتک کنگ بیت۔آں ایشیائی ترقیاتی بنک ءِ دو باسکی ڈلے گوما گپ ءُُ تران کنگ ات آہاں کہ جمعہ ءَ ادا اسلام آباد ءِ تہ اگند ءُُ نند کتگ۔بنجاہی سیکرٹری خضر حیات ھم اے ساعت ءَ ساڑی ات۔ڈل ءَ پاکستان ءِ تہ بنک ءِ کمک ءِ گوما جاڑی موسمیاتی بدلی ، ڈیزاسٹر مینجمنٹ ءُُ ورگ ءِ ساپیں آپ ءِ منصوبگ ءِ باروا سرپد کتگ۔مزن وزیر ءِ سلہ کار ءَ گوشت کہ موسمیاتی بدلی چہ ہم آھنگ دیمروئی ءِ سرا یقین ایر کنگ انت ءُُ اے وشیں گپ انت کہ ایشیائی ترقیاتی بنک ھم لہتیں تک ءَ زمہ واری ءَ پیلو کنگ انت۔آہاں گوشت کہ مہ آوکیں ھپتگ ءَ ورگ ءِ ساپیں آپ ءِ معاملہ ءِ سرا دیوان برجم دارگ بیت وھدیکہ بنجاہی تبک ءَ ورگ ءِ ساپ ءِ آپ ءِ ھاترا یک جامع پالیسی جوڈ کنگ بیت۔ ملک امین اسلم ءَ گوشت کہ کے پی کے ءِ تہ مئے بلین ٹری سونامی ءِ منصوبگ سوبمند بوتگ ایشی ءَ را میاں اوستمانی لیول ءَ منگ بوتگ۔انوں مہ اے مراگش ءَ سرجمیں ملک ءَ تالان کنگ ءِ واھگدار انت۔اے درگت ءَ ایشیائی ترقیاتی بنک ءِ نیمگا چہ کجام ھم رنگے کمک ءِ ھیر مقدم کنگ بیت۔ اے ڈی بی ءِ ڈل ءَ استیں حکومت ءِ نیمگا چہ مردماں را شریں چاگرد پھجارگ ءِ ھوالہ ءَ کوشستءَ را ساڑاتگءُُ اے درگت ءَ کمک ءِ پھجارگ ءَ سدکی داتگ۔
