اسلام آباد۔ 31 اگست (اے پی پی) بنجائی وزیر اطلاعات و نشریات فواد چوہدری پارینے کہ ہالینڈ اٹی گستاخانہ خاکہ غاتا مقابلہ نا منسوخی نا پڑو پاکستان نا بھلو سفارتی سرسہبی اسے، مسلم دنیا ءِ گستاخانہ خاکہ کون آ حساس معاملہ غا اسہ وڑنا موقف اختیار کرسا جہانی کہول آ گچین توار چست کننگ نا گرج ءِ، ریاستی پالیسی کن پارلیمنٹ تون اوار غٹ ادارہ غاتا پت المی ءِ ، غٹ ادارہ غاتا اسیجائی حکمت عملی آن ہی مون آ ہِننگ کینہ چین پاکستان نا اہم اقتصادی شریدار ءِ ، سی پیک ءِ نئے بیرہ پورو بلکن مون آ دننگ خوانہ، پاکستان بھارت تون امن خواہک، پاکستان و بھارت ءِ نیزگاری و جہالت نا برخلاف بایدے جنگ کروئی مرے۔ ایلو ملک آتون تعلقداری تے معمول آہی اتسا وزیراعظم نا تغ ءِ تعبیر ملنگ کیک۔ او جمعہ نا دے پارلیمنٹ ہاؤس نا پیشن میڈیا تون ہیت و گپ کریکہ۔
