اسلام آباد۔ 31 اگست (اے پی پی) بنجائی وزیر ریلوے شیخ رشید احمد تون جمعہ نادے چین نا سفیر یاؤ جنگ اوڑدہی کرے۔ دااوڑدہی ٹی ریلوے نا ڈٹ آتے ترندی اٹ پورو کننگ نا غرض اٹ اسہ ایلو تون پبی کمکاری نا درشان کننگا۔ بنجائی وزیر ریلوے داوخت آ پارے کہ سی پیک پاکستانی معیشت نا مخ انا ملی ءِ و پاکستان ریلوے نا بشخ اٹی چین نا آزموندہ غاتیان بھاز گڑا ہیل کننگ کیک۔ اوریلوے تون تعلقدار ڈٹ آتے ٹی چین نا کمک نا ستاءِ کرے۔ داوخت آ ریلوے نا بابت تین پہ تینی است خواہی نا معاملہ غاتیا خیال آتا درشانی ءِ کننگا و چینی سفیر پاکستان نا پوسکن آ حکومت تون اواری اٹ کاریم کننگ نا تینا حکومت نا عزم انا اعادہ ءِ کرے۔
