اسلام آباد۔ 30 اگست (اے پی پی) سینیٹ نا قائمہ کمیٹی اطلاعات و نشریات نا چیئرمین سینیٹر فیصل جاوید پارینے کہ پاکستان تحریک انصاف نا صدارتی اومیت دار ڈاکٹر عارف علوی بھلو گیشتری اسے اٹ سرسہبی دوئی کیک، وزیراعظم عمران خان نزور ٹیم آتون گوازی کننگ نا عادتی اف۔ پنچ شنبے نادے پارلیمنٹ ہاؤس نا پیشن میڈیا تون ہیت وگپ کرسا سینیٹرفیصل جاوید پارے کہ پنجاب نا وزیر اطلاعات فیاض الحسن چوہان نجی ٹی وی نا پروگرام اٹی بھاز غلط کرے۔ وزیر آک بایدے داوڑنا رویہ کپس۔ صبر انا درشانی ءِ کرسا سوج آتا ورندی ءِ بایدے تروئی مرے۔ داکان ہم سخت سوج بریک۔ اوپارے کہ پاکستان تحریک انصاف نا صدارتی اومیت دار ڈاکٹر عارف علوی بھلو گیشتری اسے اٹ سرسہب مریک ۔ وزیراعظم عمران خان نزور ٹیم آتون گوازی کننگ نا عادتی اف۔ اوپارے کہ 6 ستمبر نا دے ہندن ءُ دے اسے ہراڑآن شہیدآتا یات بریک ہراک پاکستان کن قربانی تسر ہرافتا سوب اینو ملک امن نا جاگہ اسے وخت اس کہ 6 ستمبر نا دے جوزہ حب الوطنی ءِ بیدار کیک۔
