اسلام آباد۔ 30 اگست (اے پی پی) بنجائی وزیر کانود قومی جان جوڑی و ریگولیشن عامر کیانی پارینے کہ صدارتی گچین کاری ٹی پی ٹی آئی نا اومیت دار سرسہب مریک ، اپوزیشن یکجا مرے یا مفئے ننے داڑآن ہچ ءُ پرخ اس تمپک ، میڈیا نا منت واری ءِ ہرفیوہ کہ اوننا موقف ءِ الس اسکان سرکرے۔ پنجاب نا وزیر اطلاعات نا ریمارکس آن کس اسے نا است آزاری مسنے تو بشخنداری خواہوہ۔ او پنچ شنبے نادے پارلیمنٹ ہاؤس نا پیشن میڈیا تون ہیت وگپ کریکہ۔ اوپارے کہ پنجاب نا وزیر اطلاعات فیاض الحسن چوہان نا نجی ٹی وی پروگرام اٹی ریمارکس نا اودے معلوم اف۔ اگہ اونا ریمارکس نا سوب آن کس اسے نا است آزاری مسنے تو ای بشخنداری خواوہ۔ پاکستان تحریک انصاف میڈیا نا منت واری ءِ ہرفیوہ کہ او ننا موقف ءِ الس اسکان سرکرے ہرانا سوب ننا جماعت گچین کاری تیٹی سرسہبی دوئی کرے۔ اوپارے کہ صدارتی گچین کاری ٹی پاکستان تحریک انصاف نا اومیت دار ڈاکٹر عارف علوی بھلو گیشتری اسے اٹ سرسہب مریک۔ اپوزیشن یکجا مرے یا مفئے ننا اومیت دارءِ داڑآن ہچ ءُ پرخ اس تمپک ننا نمبر آک پورو ءُ۔
