اسلام آباد۔ 30 اگست (اے پی پی) اوپن یونیورسٹی نا تعلیمی خذمت آک قدر انا قابل ءُ ، ساڑی آ سال تے ٹی ملک گیر کہول آ نیٹ ورک نا ودفنگ، طالب علم آتا آسراتی تے ٹی ودکی و یونیورسٹی نا جم اٹنگا شونداری کن گام گیج آتے ٹی طالب علم آتا کچ اٹی ریکارڈ ودکی نا کریڈیٹ وائس چانسلر پروفیسر ڈاکٹر شاہد صدیقی ءِ کاہک بندی معذور بندغ و خواجہ سراتے مفت تعلیم تننگ اوپن یونیورسٹی نا ستاکڑزوک گام گیج آک ءُ حکومت دا گام گیج آتے کن اوپن یونیورسٹی ءِ ہروڑ سپورٹ فراوان کیک۔ داخیال آتا درشانی ءِ بنجائی وزیر تعلیم شفقت محمود علامہ اقبال اوپن یونیورسٹی ٹی اڈ ہلوک آ گومی گریجویٹ کانفرنس نا ایسری دود آن تران اٹی کرے۔ بنجائی وزیر تعلیم پارے کہ ساڑی آ حکومت نا قومی اولیت آتے ٹی تعلیم ءِ بنجائی اہمیت دوئی مریک۔
