اسلام آباد ۔ 29 اگست (اے پی پی) بنجاہی وزیر ھالرسانکی ءُُ شنگکاری فواد چوہدری ءَ گوشت کہ پاکستان الیکٹرانک میڈیا ریگولیٹری اتھارٹی (پیمرا) ءُُ پاکستان پریس کونسلءَ را ھلاس کنان ءَ زوت نوکیں پاکستان میڈیا ریگولیٹری اتھارٹی ھڈ دیئگ بیت ہمہ کہ الیکٹرانک ،پرنٹ ءُُ چاگردی میڈیا ءَ را ریگولیٹ کن ایت۔پیسریگیں حکومت ایڈورٹائزمنٹ ءِ سرا چلگ ات وھدیکہ مہ جندی چھاپ ءِ ھاترا سرکاری ھرچانی سرا سرجم بندش جتگ ات۔چار شمبے ءَ پارلیمنٹ ماڑی ءِ دیما رسانکدراں گوں گپ ءُُ تران کنان ءَ بنجاہی وزیر ءَ گوشت کہ اے وھد ءَ پیمرا الیکٹرانک میڈیا ءُُ پاکستان پریس کونسل پرنٹ میڈیاءِ معاملہاں چارگ انت، مہ پیسلہ کت کہ پیمرا ءُُ پاکستان پریس کونسل ءِ کانود ءَ بدلی کنان ءَ یک ادارگ پاکستان میڈیا ریگولیٹری اتھارٹی جوڈ کنگ بیت ایشی ءِ تہ وتی وتی تک ءِ زانتکارھوار بنت۔ اے ھوالہ ءَ میڈیا ءِ نماھندگ ءُُ ہمگرنچیں زانتکاراں گوں شؤر ءُُ سلہ کنگ بیت ءُُ پاکستان میڈیا ریگولیٹری اتھارٹی ہڈ دیئگ بیت ہمہ کہ الیکٹرانک، پرنٹ ءُُ سوشل میڈیا ءَ ریگولیٹ کن ایت۔ایشی ءَ چہ راجی وسیلگ ءِ بچت بیت ءُُ اے اندوہناکی زانتکاراں ءُُ میڈیا ءِ جہگیراں ہمگرنچ ءِ ادارگ بیت۔آہاں گوشت کہ وزارت اطلاعات ءِ ادارگ ءَ ھم باز بدلی آرگ بیت،آہاں گوشت کہ پی ٹی وی ءَ چہ سنسر شپ ھلاس کنگ بوتگ ات ءُُ اپوزیشنءَ ھم وھد دیئگ بوھگ ات۔ وزیرھالرسانکی ءَ سینیٹ چہ اپوزیشن ءِ واک آوٹ ءِ ھوالہ ءَ گپ جنان ءَ گوشت کہ سینیٹ ءِ دیوان ءِ ساعت ءَ اپوزیشن گلاں بید جواز ءِ ایوان ءِ کارروائی داشتگ ءُُ ایوان چہ واک آوٹ کتگ۔دیوان ءِ کارروائی سرا لکھاں کلدار ھرچ بوھگ انت ہمہ کہ راج سگگ ات۔آہاں گوشت کہ مسلم لیگ (ن) ءَ اے ھاترا کاروائی ءِ بائیکاٹ کت کہ پی ٹی آئی ءِ یک باسکءَ گوستگیں وھد ءَ اشتہاری جنزاں سرکاری ھرچانی تفصیل لوٹ کتگ انت۔بُرزی ایوان ءِ تہ اپوزیشن ءِ نیمگا چہ ہمہ کہ واک آوٹ بوتگ ات ایشی اصل سبب ایش ات کہ پیسریگیں حکومت ءَ یک سالے تہ اشتہارانی ھاترا 23ارب کلدار ھرچ کتگ انت۔ سرکاری اشتہارانی ھوالہ ءَ چہ یک کمیٹی ءِ جوڈ کتگ ات۔جندی پبلسٹی ءِ ھاترا سرکاری کلدار کارمرز بہ بنت۔آہاں گوشت کہ مزن وزیر عمران خان ءَ سینیٹ ءِ دیوان ءَ بہر زوران ءَ وتی گپ پیش کت ءُُ اولی روچ ءَ سینیٹ ءِ دیوان ءَ شریک بوان ءَ پارلیمنٹ ءَ را ارزشت دات۔پیسریگیں مزن وزیر نواز شریف سینیٹ ءِ دیوان ءَ اے ھاترا نہ آھگ ات کہ ایشی ءِ سینیٹ ءِ تہ اکثریت نیست ات۔مزن وزیر عمران خان ءَ بنجاہی وزراء ءَ کڈنی دات کہ آں پارلیمنٹ ءِ دیوان ءَ ساڑی بنت ءُُ جستانی پسو ءَ دنت پرچہ کہ راج وتی گچین بوتگیں نماھندگ ءَ را چارگ انت۔آہاں گوشت کہ پی ٹی وی نیشنل ءَ را پی ٹی وی سیاستءَ بدلی کنگ بوھگ انت تنکہ آں پارلیمنٹ ،صوبائی اسمبلیانی ءُُُ قائمہ کمیٹیانی دیوان ءَ براہ راست راج ءَ را پیدآرنت۔ مولانا فضل الرحمانءِ صدارتی امیتواربوھگ ءِ ھوالہ چہ بنجاہی وزیر ءَ گوشت کہ آں پارلیمنٹ ءَ را جعلی ءُُ بوگس گوشگ ات ءُُ اے پارلیمنٹ چہ ھم ووٹ زرت صدر گچین بوھگ لوٹگ انت۔جست ایش انت کہ صدر گچین بوھگ ءِ ھاترا پارلیمنٹ حلال بوھگ انت ۔فواد چوہدری ءَ گوشت کہ پیسریگیں روچ ءَ کابینہ ءِ دیوان ءِ تہ ہمہ کہ پیسلہ بوتگ انت حکومت آہانی سرا سنجیدگی ءَ گوں سیل کنگ انت۔بنجاہی وزیر ءَ گوشت کہ پیپلزپارٹی ءِ اعتزاز احسن سنجیدہ ءُُ نامداریں مردم انت آں صدر ءِ گچینکاری ءَ بہر زورگ انت۔استیں جاورھال ءِ تہ صدارتی گچینکاری یک دیمی نظر آھگ انت۔ عارف علوی گچینکاری ءَ باج برانت۔یک جستے ءِ پسو ءَ آہاں گوشت کہ چیف ایگزیکٹو ءِ بستار چہ مزن وزیر ءِ سیکیورٹی ءَ سدکی جوڈ کنگ ءِ ھاترا استان ءَ را المی گامگیج زورگ بوھگ انت۔مزن وزیر ءِ سیکیورٹی ہزدری انت۔ہمہ کہ مردم عمران خان ءَ چہ سرپد انت ہمہ زانگ ات کہ آں پروٹوکول ءَ دوست نہ دارگ انت۔آہاں پدرائی کت کہ مزن وزیر وتی کاروان ءِ تہ سیکیورٹی گاڈیانی سرا ھرچ ءُُ سڑکانی سرا ٹریفک ءِ بندش چہ مھلوک ءَ را رکھگ ءِ ھاترا ھیلی کاپٹر ءَ کارمرز کنگ انت۔یک جستے ءِ پسو ءَ آہاں گوشت کہ نوز شریف ءِ جیل ٹرائل ءِ ھوالہ ءَ پیسلہ آمیدگس ءَ کنگی انت۔میڈیا ءِ راستیں کچہ چینی ءَ وش اتک کناں۔
