اسلام آباد۔ 29 اگست (اے پی پی) وزیر خارجہ مخدوم شاہ محمود قریشی تون چارشنبے نادے داڑے برطانوی ہائی کمشنر تھامس ڈریو اوڑدہی کرے۔ ہائی کمشنر وزیر خارجہ ءِ عہدہ نا سنبھالنگ آ مبارکبادی تس و برطانوی حکومت نا کنڈآن ہڑتوم آ ملک آتا نیام اٹ واپار، زرکاری، امن و سلامتی و شونداری کمکاری تون اوار تین پہ تینی است خواہی نا غٹ بشخ آتے ٹی کمکاری ءِ پین ودفنگ نا خواہش ظاہر کرے۔ دفترخارجہ نا ترجمان نا رداٹ وزیر خارجہ شاہ محمود قریشی برطانوی ہائی کمشنر نا منت واری ءِ ہرفے و ہڑتوم آ کنڈآتا کمکاری نا ساڑی آ کہول آ است جمی نا درشانی ءِ کرے۔ وزیر خارجہ ہڑتوم آ ملک آتا نیام اٹ السی رابطہ غاتے ودفنگ ، واپار، و اقتصادی رابطہ غاتے مون آ دننگ نا گرج آ زور شاغا۔ اوجان جوڑی و تعلیمی سیکٹر اٹی امداد نا فراوانی ٹی ڈی ایف آئی ڈی نا کڑد انا ستاءِ کرے۔
