کوئٹہ۔ 29 اگست (اے پی پی) بلوچستان عوامی پارٹی صدارتی گچین کاری ٹی پاکستان تحریک انصاف نا پندار صدارتی اومیت دار ڈاکٹر عارف علوی نا مخ تفی ءِ کننگ نا پڑو ءِ کرینے، 4ستمبر نا صدارتی گچین کاری ٹی قومی اسمبلی، سینیٹ و بلوچستان اسمبلی ٹی بلوچستان عوامی پارٹی نا باسک آک پاکستان تحریک انصاف نا پندار صدارتی اومیت دار ڈاکٹر عارف علوی ءِ وونٹ ایترہ۔ داخیال آتا درشانی ءِ پی ٹی آئی نا پندار صدارتی اومیت دار ڈاکٹر عارف علوی ، بنجائی وزیر دفاع پرویز خٹک ، پاکستان تحریک انصاف نا سینئر راہشون جہانگیر ترین، ڈپٹی اسپیکر قومی اسمبلی محمد قاسم خان سوری چارشنبے نادے وزیراعلیٰ بلوچستان جام کمال خان تون اوڑدہی آن پد وزیراعلیٰ ہاؤس اٹی پریس کانفرنس آن تران کرسا کریر۔ ڈاکٹر عارف علوی صدارتی گچین کاری ٹی مخ تفی ءِ کننگ آ بلوچستان عوامی پارٹی نا سروک و وزیراعلیٰ بلوچستان جام کمال خان نا منت واری ءِ ہرفسا پارے کہ وزیراعظم عمران خان ہچ ءُ دُن ءُ وعدہ اس کتنے ہراڑآ عملدرآمد مف، بلوچستان نا تینا وسیلہ غاتے شونداری تننگ نا گرج ءِ ای منہ دے آن پد انشاء اللہ صدارتی گچین کاری ٹی بلوچستان عوامی پارٹی نا وونٹ آتے اٹ صدر گچین مریوہ، وزیراعلیٰ بلوچستان جام کمال خان مستین اٹی بنجائی کابینہ نا بشخ مسنے بلوچستان نا پدسلنگ ءِ مر کننگ و الس نا زند انا آب ءِ گچین جوڑ کننگ کن گچینءُ پالیسی اس جوڑ کننگک ، اوپارے کہ بلوچستان نا بابت وزیراعظم عمران خان وعدہ غاتے پورو کیک، ننا بلوچستان عوامی پارٹی تون سیوت مسنے ، صدارتی گچین کاری ٹی بلوچستان عوامی پارٹی بنجائی حکومت نا کنڈآن کمکاری آ بنجائی وزیر دفاع پرویز خٹک تحریک انصاف نا سینئر راہشون جہانگیر ترین نا منت وار اُٹ، داوخت آ بنجائی وزیردفاع پرویز خٹک پارے کہ پروٹوکول کلچر بایدے چٹے ، پوسکن آ حکومت جوڑ مسنے ، پروٹوکول نا پن آ روڈ آک بایدے بند مفس ، وزیراعلیٰ بلوچستان جام کمال خان آن خواست کیوہ کہ پروٹوکول کلچر نا حوصلہ شکنی ءِ کرسا وی آئی پی موومنٹ اٹی روڈ آتے بند کپ انتئے کہ ای ہم ہراتم وزیراعلیٰ خیبر پختونخوا ء ئسٹ تو پروٹوکول و وی آئی پی کلچرءِ چٹفسا سادہ طرز زند و کفایت شعاری نا کلچر ءِ درستی راستی کرفیسٹ داسہ 25 جولائی نا الیکشن آن پد پوسکن آ حکومت جوڑ مسنے ہنداخاطرآن معاملہ غاک زوت سہی مریرہ۔ بلوچستان عوامی پارٹی نا سروک وزیراعلیٰ بلوچستان جام کمال خان پارے کہ بلوچستان نا ویل آتا ایسری کن پاکستان تحریک انصاف تون اوار چلینگنہ ، صوبہ ٹی بیرہ دعویٰ آخا حقی بدلی اتینہ، نن خوانہ کہ بلوچستان شون ہلے و داجاگہ نا الس نا ویل آک ایسر مریر ، بنجا پنچ سال انا تہٹی اصل کڑد ادا کیک۔
