اسلام آباد۔ 29 اگست (اے پی پی) وزیراعظم عمران خان پارینے کہ ملک آن وڈی خوری نا چٹفنگ، شفافیت ءِ مون آ دننگ و وڈی خور عنصر آتا بے پرخ احتساب حکومت نا اولیت ءِ۔ اوداہیت ءِ چیئرمین نیب جسٹس (ر) جاوید اقبال تون ہیت وگپ کرسا پارے ہراچارشنبے نادے وزیراعظم آفس اٹی اوڑتون اوڑدہی کرے۔ چیئرمین نیب وزیراعظم ءِ منصب سنبھالنگ آ مبارکبادی تس۔ وزیراعظم نیب انا ساڑی آ کارکڑد آ است جمی نا درشانی ءِ کرے۔ وزیراعظم پارے کہ حکومت نیب ءِ پین سوگو جوڑ کننگ و ادارہ نا کاریم نا کچ ءِ ودفنگ کن ہر وڑ کمک فراوان کننگ کن پرعزم ءِ۔
