قومی کمیشن انسانی شونداری نا چیئرپرسن رزینہ عالم خان نا بنجائی وزیر تعلیم و کسبی تربیت شفقت محمود ءِ بریفنگ

اسلام آباد۔ 29 اگست (اے پی پی) قومی کمیشن انسانی شونداری (این سی ایچ ڈی )نا چیئرپرسن رزینہ عالم خان پارینے کہ کمیشن اسکول آن پیش تموک چناتے تعلیم تننگ و کسب کار جوڑ کننگ کن کوشست کننگ ءِ و او راج انا نزور تپہ خاص وڑاٹ زالبول نا شونداری کن اولیتی بنداو تیا کاریم کننگ ءِ۔ داہیت ءِ او بنجائی وزیر تعلیم و کسبی تربیت شفقت محمود ءِ این سی ایچ ڈی نا بابت احوال ترسا کرے۔ اواین سی ایچ ڈی نا بارواٹ ہیت کرسا پارے کہ این سی ایچ ڈی 2 کروڑ 28 لکھ اسکول آتیان پیشن مروک آ چناتیا خصوصی چکار کننگ ءِ، این سی ایچ ڈی سالانہ اسکول آتے ٹی داخلہ نا مہم پاکستان نا 124ضلع غاتے ٹی بناء کیک و خلقی علاقہ غاتے ٹی دا مہم ءِ اُرااُراٹی چلیفنگک۔ ملک انا خلقی آ علاقہ غاتیٹی 5949 فیڈر اسکول کاریم کننگ ءُ ہرافتے ٹی اسلام آباد ، آزاد جموں و کشمیر و گلگت بلتستان ہم اوار ءُ۔