اسلام آباد۔ 29 اگست (اے پی پی) پاکستان تحریک انصاف نا صدارتی اومیت دار ڈاکٹر عارف علوی ، پاکستان پیپلزپارٹی نا صدارتی اومیت دار اعتزاز احسن و ایلو اپوزیشن جماعت آتا صدارتی اومیت دار مولانا فضل الرحمان نا پندار کاغد آتے منظور کننگانے۔ چارشنبے نادے الیکشن کمیشن اٹی پاکستان تحریک انصاف نا صدارتی اومیت دار ڈاکٹر عارف علوی ، پیپلزپارٹی نا اومیت دار اعتزاز احسن و اپوزیشن نا ایلو جماعت آتا امنائی اومیت دار مولانا فضل الرحمان نا کاغد آتا چھان بین کننگا۔ چیف الیکشن کمشنر جسٹس (ر) سردار محمد رضاخان پندار کاغد آتا چھان بین ءِ کرے اوکان پد ہر مسٹ نا پندار کاغد آتے منظور کننگا۔ داوخت آ ذرائع ابلاغ نا نمائندہ غاتون تینا گونڈ ہیت وگپ اٹی ڈاکٹر عارف علوی پارے کہ داٹی ہچ ءُ شک اس اف کہ الس عمران خان و بیٹ ءِ وونٹ تسنے۔ ای اپوزیشن نا سوج آتا ورندی ءِ تننگ خواپرہ۔ کنے اومیت ءِ کہ 4 ستمبر آ صدارتی گچین کاری تیٹی نن بھلو گیشتری اسے اٹ سرسہب مرینہ۔
