سینیٹر سلیم مانڈوی والا، سینیٹر شبلی فراز و سینیٹر راجہ محمد ظفر الحق نا ہم نادر گرمانی نا باوہ نا کزیت آ است ہسونی نا درشان
اسلام آباد۔ 28 اگست (اے پی پی) قائم مقام صدر محمد صادق سنجرانی سینئر صحافی و نادر گرمانی نا باوہ نا کزیت آ ڈکھ و است ہسونی نا درشانی ءِ کرینے۔ قائم مقام صدر خاہوت تون ہڑزخواہی نا درشانی ءِ کرسا اللہ تعالیٰ آن دعا کرے کہ ایماندار ءِ جنت الفردوس اٹی جاگہ ایتے و خاہوت ءِ داصدمہ ءِ صبر و حوصلہ تون سگنگ نا توفیق عطافرمائفے۔ قائم مقام چیئرمین سینیٹ سینیٹر سلیم مانڈوی والا ، سینیٹ اٹی قائد ایوان سینیٹر شبلی فراز و قائد حزب اختلاف سینیٹر راجہ محمد ظفر الحق ئسک ہم نادر گرمانی نا باوہ نا کزیت آ ہڑزخواہی نا درشانی ءِ کرینو۔ تینا جتا جتا ہڑزخواہی کلہو آتے ٹی اوفک ایماندار نا بخشش و درجہ غاتا بڑزی کن دعاہم کرینو۔
