اسلام آباد۔ 28 اگست (اے پی پی) وزیر خارجہ شاہ محمود قریشی پارینے کہ دیر انا معاملہ غا پاکستان و بھارت اٹی ہیت وگپ خوش آئند ءِ، ٹیرر فنانسنگ ءِ توننگ نا معاملہ غا مسکوہی حکومت ڈیوالائی کرے، نگران حکومت دا بابت المی گام گیج کرے۔ سے شنبے نادے ایوان بالا نا دیوان اٹی سینیٹر شیری رحمان نا السی اہمیت نا معاملہ غا ورندی ءِ ترسا اوپارے کہ دنیا روہنگیا تا معاملہ غا خاموش مس، اومیت ءِ اقوام متحدہ دامعاملہ ءِ سنجیدگی اٹ ہلیک۔ ننا ہمدردی روہنگیا مسلمان آتون ءِ، دا انسانی ءُ ویل اسے۔ اوپارے کہ مقبوضہ کشمیر اٹی حالیت آک کس اسے آن اودیم افس۔ ہموڑے انسانی حق انا خلاف ورزیک غٹ انا مون آٹی ءُ، اوفتا توار اینو زور ہَلنگ ءِ۔ بیدادی نا پالیسی غیر موثر مسنے۔ اینو مقبوضہ کشمیر اٹی ہموجاگہ نا الس اینو تینٹ بش مسنو۔ نن اوڑآن لاپرواہ افن۔ ہراوخت کہ موقع ملا تو اوفتا ویل ءِ چست کینہ۔
