اسلام آباد۔ 27 اگست (اے پی پی) مزن وزیر عمران خان ءَ گوشت کہ ھما راج کہ وام ءِ سر ءَ گزارا کن اَنت آ وت شرپ ءُُ ازت ءَ بیگواہ کن اَنت، راج ءَ را وتی پاد آنی سر ءَ اوشتارین آں، ما ملک ءِ اندر ءَ انچو جاور پیداک کنگ ءَ آں کہ الس ٹیکس بدنت، اے رد ءَ پیسر ءَ وت درور دیان، حکومت بے ادبیں کارٹون جوڑ کنگ ءِ جیڈھ ءَ را اقوام ءِ متحدہ ءِ جنرل اسمبلی ءِ آیوکیں دیوان ءِ تہ ءَ چست کنگ وھدیکہ اے رنگ ءِ چست ءُُ ایر آنی ھلاپ ءَ یکجائی گوانک چست کنگ ءِ واستہ اسلامی کمکی گل (او آئی سی) ءِ گوما یکجائی گامگیج آنی شاھیگانی ءِ واستہ ھم کوشست کنگ ءَ آں۔ دو شمبے ءَ ایوان ءِ بالا ءَ ھیالانی درشانی ءَ کنان ءَ مزن وزیر عمران خان ءَ گوشت کہ ما بے ادبیں کارٹون ءِ ھوالگ ءَ اقوام ءِ متحدہ ءِ جنرل اسمبلی ءَ ستمبر ءَ چست کن آں۔ آئی ءَ گوشت یکہ روبرکتی ذھنیت ءَ زاناں، آھودا آزاتی ءَ گوں ھمک چیز ءِ درشانی ءِ رد ءَ اے نمونگ ءِ کار کن اَنت وھدیکہ گیشتر اے گپ ءَ نہ زان اَنت کہ بنی کریم ﷺ ءَ گوں مارا چینکیاس محبت اِنت، سلمان رشدی ءِ کتاب ءَ پد بازیں رند ءَ اے رنگے چست ءُُ ایر بوتگ۔ آئی ءَ گوشت کہ روبرکت اے رنگ ءَ مسلمان آنی ھلاپ ءِ چست ءُُ ایر کنان ءَ مسلمان آنی جوزگ آناں لگت مال کنگ بوتگ، اے رنگ ءَ بار با چست ءُُ ایر بوھگ ءِ سبب مسلمان آنی اجتماعی ناکامی اِنت، ما او آئی سی ءَ را اے جیڈھ ءِ سر ءَ تپاک کنگ ءِ کوشست ءَ کناں ءُُ او آئی سی ءَ را اے بابت ءَ یکجائی ءَ گامگیج چست کنگی اِنت۔ مزن وزیر ءَ گوشت کہ چار یورپی ملک آنی تہ ءَ ہو لو کاسٹ ءِ سر ءَ کانود جوڑ کنگ بوتگ، کجام ھم بنی آدم کمیونٹی ءَ را کجام ھم چیز ءَ چہ تکلیف رسینگ ھراب ءُُ ھیب اِنت، مارا روبرکت ءَ را اے گپ ءِ پھمینگ ءِ ضلورت اِنت مارا نبی کریم ﷺ ءِ بابت ءَ اے رنگیں چست ءُُ ایر آں چہ سک باز تکلیف رستگ وھدیکہ ایشی ءَ چہ پیسر مارا مسلمان آناں اے جیڈھ ءِ سر ءَ تپاک کنگ ءِ ضلورت اِنت تانکہ مارا مُدامیگیں واستہ اے رنگیں جاور ھال گر ءُُ دار بہ باں۔
