اسلام آباد۔ 27 اگست (اے پی پی) بنجائی وزیر جان جوڑی عامر محمود کیانی پارینے کہ پولیو نا چٹفنگ جان جوڑی نا بشخ اٹی ننا اولیت آتیٹی اوار ءِ و دا چرجوئی ٹی ہر وڑگام گیج کننگے احوال نا کماشی ءِ کرسا کرے۔ احوال اٹی سیکرٹری جان جوڑی کیپٹن ریٹائرڈ زاہد سعید، ڈائریکٹر جنرل ہیلتھ ڈاکٹر اسد حفیظ، پاک فوج انا نمائندہ و جہانی ادارہ غاتا نمائندہ غاک ساڑی ئسر۔ وزیر جان جوڑی پارے کہ پاکستان پولیو نا چٹفنگ نا بابت پیش رفت کرینے۔ پولیو کیس آتے ٹی خاطر خواہ کمتی واقع مسنے داوخت ہندا سال اٹی مچ آ ملک اٹی پولیو نا مسہ کیس رپورٹ مسنو ہرا کہ بلوچستان نا ضلع دکی آن ءُ اوپارے کہ پولیو نا چٹفنگ اٹی پیش رفت پولیو ورکرز آتا خواری و کانود نافذ کروک آ ادارہ غاتا کمک اٹ ممکن مسنے۔
