کوئٹہ۔ 27 اگست (اے پی پی) بلوچستان نا دہ باسکی کابینہ سوغند ہرفے۔ بلوچستان کابینہ نا سوغندی دود گورنر ہاؤس اٹی اڈ ہلک۔ سوغندی دود اٹی بلوچستان کابینہ نا دہ وزیر آک عارف محمد حسنی، نور محمد دمڑ، سردار سرفراز چاکر ڈومکی ، نواب زادہ طارق مگسی، زمرک خان اچکزئی ، ظہور احمد بلیدی ، ضیاء اللہ لانگو، نصیب اللہ مری ، سردار محمد صالح بھوتانی ، سلیم احمد کھوسہ گورنر بلوچستان محمد خان اچکزئی وزارت آتا سوغند ہلک۔ سوغندی دود اٹی وزیراعلیٰ بلوچستان جام کمال خان ، عوامی نیشنل پارٹی نا پارلیمانی لیڈر اصغر خان اچکزئی، ہزارہ ڈیموکرریٹک پارٹی نا سروک عبدالخالق ہزارہ، باسک قومی اسمبلی نوابزادہ میر خالد خان مگسی، اسمبلی نا باسک ملک نعیم بازئی، میر گہرام خان بگٹی و ایلو قبائلی و سیاسی راہشونک شرکت کریر۔
