اسلام آباد۔ 27 اگست (اے پی پی) وزیراعظم نا سلاہکار موسمیاتی بدلی امین اسلم پارینے کہ وزیراعظم نا منظوری آن پد 2 ستمبر آ ملک گیر شجر کاری مہم نا بناءِ کننگک ، داچرجوئی ٹی غٹ وزیراعلیٰ تیان اسہ ہی دے شجر کاری نا بناءِ کننگ کن چھٹی راہی کننگک، دادے 15لکھ نیال خلنگ نا پروگرام ءِ۔ او دوشنبے نادے داڑے ملک گیر شجر کاری مہم نا بابت اڈ ہلوک آ بڑزکو کہول انا دیوان نا کماشی ءِ کریکہ۔ دیوان اٹی وزارت موسمیاتی بدلی و جنگلات نا صوبائی محکمہ غاتا کمامدارآک ساڑی ئسر۔
