اسلام آباد۔ 27 اگست (اے پی پی) پاکستان تحریک انصاف نا پندار صدارتی اومیت دار ڈاکٹر عارف علوی پارینے کہ پی ٹی آئی بھلو گیشتری اسے اٹ صدارتی گچین کاری ٹی سرسہبی دوئی کیک، اپوزیشن تینا اومیت دار ءِ دزکش کرفے۔ دوشنبے نادے تینا پندار کاغد آتے جمع کرفنگ آن پد صحافی تتون ہیت وگپ کرسا اوپارے کہ ای تینا پندار کاغد آتے جمع کرفینٹ ہرافتا سکروٹنی چارشنبے نادے آ مریک۔ اوپارے کہ ایلو سیاسی جماعت آتے پی ٹی آئی نا اومیت دار نا حق اٹی تینا اومیت دار ءِ دزکش کرفسا خیر سگالی نا بایدے درشانی ءِ کروسس ولے اوفک دُن کتوس ۔ اوپارے کہ اگہ او صدر گچین مس تو او پاکستان نا کراچی آن تعلق تخوک آ ارٹ میکو صدر مریک و دا اونا صوبہ کن ہم شرف نا سوب ءِ۔
