اسلام آباد۔ 27 اگست (اے پی پی) علامہ اقبال اوپن یونیورسٹی سمسٹر خزاں 2018 ء نا جاری داخلہ غاتے ٹی میرٹ نا بنداو آ داخلہ غاتا شیڈول ءِ جاری کرینے۔ ہراپروگرام تا داخلہ میرٹ نا بنداو آ مننگ ءِ، اوفتے ٹی پی ایچ ڈی، ایم ایس/ایم فل، کامن ویلتھ آف لرننگ ایم بی اے/ایم پی اے، ایم ایس سی شماریات، ایم ایس سی پبلک نیوٹریشن و بی ایس پروگرامک اوار ءُ۔ داپروگرام تیٹی داخلہ نا است خواہ اومیت دار آتے پراسپکٹس اٹی تروک آ وڑوڈول نا رداٹ داخلہ فارم بیدس داخلہ فیس انا براہ راست تعلقدار شعبہ ءِ راہی کننگ نا پارت کننگانے ۔ داخلہ فارم یونیورسٹی نا ویب سائٹ www.aiou.edu.pk آن ڈاؤنڈ ہم کننگ مریک۔
