اسلام آباد۔ 27 اگست (اے پی پی) ایوان بالا، قومی اسمبلی و ہر چار آ صوبائی اسمبلیک پوسکن آ صدر مملکت نا گچین کاری ءِ 4 ستمبر آ کیرہ، حکومتی سیوت ءِ اپوزیشن سیوت نا مقابلہ ٹی عددی برتری دوئی ءِ۔ صدر مملکت نا گچین کاری کن آئین اٹی اسہ الیکٹورل کالج اس ٹہیفنگانے ہراٹی سینیٹ، قومی اسمبلی وبلوچستان نا ہر باسک نا اسہ وونٹ اسے وخت اس کہ پنجاپ ، کے پی کے و سندھ اسمبلی ٹی باسک آتا کچ ءِ بلوچستان اسمبلی نا کچ آن بشخ وپانٹ کرسا ہر اسمبلی نا 65 وونٹ مریرہ۔ دالحاظ اٹ پنجاپ اسمبلی نا 5.70 باسک ، سندھ اسمبلی نا 2.58 باسک، کے پی کے 1.90 باسک آتا اسہ وونٹ اس مریک۔
