اسلام آباد ۔ 26 اگست (اے پی پی) ڈنی کارانی بنجاہی وزیر شاہ محمود قریشی ءَ امریکی سینیٹر جان مکین ءِ بیرانی سرا دلی دلپدردی ءِ درشان کتگ۔یک شمبے ءَ ڈنی کارگس ءِ ربالکار ءِ نیمگا چہ جاڑی بیان ءِ ردا ڈنی وزیر ءَ امریکی سینیٹر جان مکین ءِ بیرانی سرا دلپدردی ءِ درشان کنان گوشت کہ چیئرمین آرمڈ سروسز کمیٹی ءِ بستار گوں سینیٹر جان مکین ہر وھد پاک امریکہ سیادی ءَ مھکم کنگ ءِ ھاترا کوشست کتگ ات ءُُ دمگ ءِ تہ امن ءُُ گھبودی ءِ ھاترا تعمیری سوچ ءِ پلہ مرزی کتگ۔پاکستان ءِ تہ ایشی ءِ کمی ہر وھد بیت۔آہاں گوشت کہ سینیٹر جان مکین ءِ پُرشانیں فوجی ءُُ چاگردی ہزمت انت ءُُ آں یک مہذب ءُُ نفیس انسان ءِ بستار ءَ امریکی سیاست ءِ تہ ھاسیں جاگہ ایر کنگ ات۔
