لندن۔ 25 اگست (اے پی پی) صدر مملکت ممنون حسین ءَ بدعنوان عناصرءِ ھسابداد ءُُ کیاسگری ءِ ھلاپ ءَ گامگیج ءِ سرا زور داتگ۔ملک ءِ صدر ممنون حسین ءَ لندن بالی پٹ ءِ سرا پاکستانی اھوالکاراں گوں گپ ءُُ تران کنان ءَ گشت کہ آں ملک ءِ تہ کرپشن کنوکیں مردمانی ھسابداد ءِ حق ءَ انت۔آہاں گوشت کہ اے ھداوند پاک ءِ کانود انت کہ وھدیکہ کجام ھم مردمے کرپشن کنگ انت ھما زوت یا دیر ءَ ڈوھ ءِ پٹ ءُُ پول ءِ سرا دزگیر بوھگ انت۔ملک ءِ صدر ءِ وش اتک ءِ ھاترا برطانیہ ءِ تہ داشتگیں پاکستانی ہائی کمشنر صاحبزادہ احمد خان بالی پٹ ءَ ساڑی اتنت۔
