اسلام آباد۔ 24 اگست (اے پی پی)سپیکر قومی اسمبلی اسد قیصر ءَ گوشت کہ ایوان ءِ شرپ ءُُ ازت ءِ ھیال دارگ توامیں باسک آنی زمہ واری اِنت، پارلیمنٹ ءِ مھکمی ءَ چہ اُلسی جیڈھ آنی گیواری المی انت، توامیں جیڈھ وت مہ وتی شور ءُُ سلاھی کانود سازی ءَ چہ کنگ بہ بنت۔ آدینگ ءِ روچ ءَ اے ھیالانی درشانی پیپلز پارٹی ءِ کلانہ ایں سروک سید خورشید احمد شاہ ءُُ پیسریگیں سپیکر قومی اسمبلی سردار ایاز صادق ءَ گوں جتا جتائیں گند ءُُ نند ءِ ساھت ءَ کت۔ سپیکر قومی اسمبلی اسد قیصرءَ سردار ایاز صادق ءُُ سید خورشید احمد شاہ ءَ را ائید ءِ مبارکی دات۔ گند ءُُ نند ءَ قومی اسمبلی ءِ دیوان ءَ را جوانیں رنگ ءَ چلائینگ ءِ بابت ءَ ھیال ریچی کت۔ اے موہ ءِ سر ءَ سپیکر قومی اسمبلی اسد قیصر ءَ گوشت کہ ایوان ءِ کاروائی توامیں گل آنی شور ءُُ سلاھ ءَ گوں چلائینگ بیت، ملک ءِ اقتصادی جاور مھکم جوڑ کنگ استیں حکومت ءِ اولی ترجی آنی تہ ءَ ھوار اَنت۔ آئی ءَ گوشت کہ توامیں ھمساھگیں ملک آنی گوما یکوئی آناں گہتر ءُُ درئی پالیشی آناں راجی ءُُ السی واھگ آں گوں نزیک جوڑ کنگ بہ بیت۔
