اسلام آباد۔ 24 اگست (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ بنجائی دارالحکومت اسلام آباد ءِ کوزہ مافیا غان پاک شار اس جوڑ کینہ، دا رداٹ سی ڈی اے و ضلعی انتظامیہ ءِ کوزہ مافیا نا برخلاف اسہ جامع رپورٹ اس مرتب کننگ نا پارت کننگانے ہرادے بنجائی کابینہ نا بروک آ دیوان اٹ پیش کننگک، شاری تے کنوئی آ صاف دیر انا فراوانی ننا اولیت آتے ٹی اوار ءِ، ہراڑکن ہروڑاٹ وسیلہ غاتے کاریم اٹ اتنگک۔ داخیال آتا درشانی ءِ او بھلاعئید انا دے آ میٹروپولیٹن کارپوریشن اسلام آباد نا بھلاعئید انا وخت آ ٹہیفوک آ صفائی پلان نا جاچ اٹی میڈیا تون ہیت وگپ کرسا کرے۔
