اسلام آباد۔ 24اگست (اے پی پی) بنجائی وزیر اطلاعات و نشریات فواد احمد چوہدری پارینے کہ پاکستان روادار، متوازن و لبرل ءُ ملک اسے۔ پنچ شنبے نادے پی ٹی وی تون ہیت وگپ کرسا اوپارے کہ نوجوت سنگھ سدھو نا پاکستان نا دورہ آ بھارت اٹی انتہاء پسند تنقید کننگ ءُ و شورشرابہ کننگ ءُ۔ اوپارے کہ بطور وزیراعظم عمران خان قوم اتون تینا اولیکو تران اٹی مہالو آن ہی پارینے کہ اگہ بھارت امن کن اسہ گام اس مون آ ہرفک تو پاکستان زیات گام مون آ ہرفک۔ او پنی بھارتی صحافی کلدیپ نائر نا کزیت آ ڈکھ و است ہسونی نا درشانی ءِ کرے ہرا نئی دہلی ٹی دنیا ءِ اِلا۔
