ملتان۔ 24اگست (اے پی پی) وزیر خارجہ مخدوم شاہ محمود قریشی پارینے کہ ڈاکٹر عافیہ صدیقی قوم انا مسڑ ءِ و حکومت اونا یلہ کرفنگ کن ممکنہ گام گیج کیک۔ اوپارے کہ پیپلزپارٹی نا دور حکومت اٹ ہم وزیر خارجہ نا حیثیت اٹ ای اونا یلہ کرفنگ کن ہرفورم آ توار چست کریسس۔ داویل انا ایسری ٹی گڑاس کانودی موش گافی ارے، ولے ننے اومیت ءِ کہ او باعزت وڑاٹ یلہ مرسا وطن آ پدی بریک۔ داخیال آتا درشانی ءِ او چارشنبے نادے حضرت بہاؤ الدین زکریا نا مزار آ عئید انا نماز انا خواننگ آن پد میڈیا تون ہیت وگپ اٹی کرے۔ مخدوم شاہ محمود قریشی پارے کہ مسلم لیگ (نواز )پیپلزپارٹی آ اونا صدارتی اومیت دار اعتزاز احسن نا دزکشی کن زور شاغنگ ءِ ہرا جوان اف۔
