اسلام آباد۔ 23 اگست (اے پی پی) درئی کارانی وزیر شاہ محمود قریشی ءَ گوشت کہ پاکستان ءِ کرا بھارتی جاسوس کلبھوشن یادیو ءِ ھلاپ ءَ مھکمیں ثبوت است ءُُ میاں اوستمانی آمید گس ( آئی سی جے) ءَ مارا کامیاتی رس ایت۔ ملتان ءَ میڈیا ءَ گوں تران کنان ءَ وزیر ءِ درئی کار شاہ محمود قریشی ءَ گوشت کہ کوشست کناں کہ میاں اوستمانی آمید گس ءَ جوانیں ءُُ مھکمیں رنگ ءَ وتی گپ ءَ پیش بکن آں۔ آئی ءَ یک جُستے ءِ پسو ءَ گوشت کہ مزن وزیر عمران خان ءَ راج ءَ گوں وتی گشتانک ءِ تہ ءَ لس مردم آنی جوزگ ءِ درشانی کتگ ءُُ کابینہ ءِ اولی دیوان ءَ آئی ءَ گوشت کہ مزنیں پیسلہ کتگ۔ آئی ءَ گوشت کہ ما عمران خان ءِ سروکی ءَ دیم ءَ جنزگ ءِ کوشست ءَ کناں، مارا کمو ترندیں پیسلہ کنگی اِنت، ایشی ءِ ھاترا راج ءَ را تیار بوھگ لوٹ ایت۔
