پوسکن آ بنجائی کابینہ آزموندہ کار سینئر پارلیمنٹرین و قابل وزیر آتیا تالان ءِ
ڈپٹی اسپیکر بلوچستان اسمبلی سردار بابر خان موسیٰ خیل نا ’’اے پی پی ‘‘ تون ہیت وگپ
کوئٹہ۔ 20 اگست (اے پی پی) ڈپٹی اسپیکر بلوچستان اسمبلی سردار بابر خان موسیٰ خیل بنجائی کابینہ نا باسک آتے سوغند ہرفنگ و تینا زمواری تے سنبھالنگ آ مبارکبادی ترسا تینا تہنیتی کلہو اٹی پارے کہ وطن عزیز اٹی بدلی نا سفر شونداری نا ضامن ءِ، دوشنبے نادے ’’اے پی پی‘‘ تون ہیت وگپ کرسا ڈپٹی اسپیکر بلوچستان اسمبلی سردار بابر خان موسیٰ خیل پارے کہ پوسکن آ بنجائی کابینہ آزموندہ کار سینئر پارلیمنٹرین و قابل و مخلص وزیر آتیا تالان ءِ وخت اس کہ بنجائی کابینہ ٹی ہرچار آ صوبہ غاتا نمائندگی ساڑی ءِ ہراکہ ملک انا بقاء و سوگوی کن نیک شگون و خوش آئند ءُ ہیت اسے۔
