اسلام آباد۔ 20 اگست (اے پی پی) بنجائی وزیر اطلاعات و نشریات فواد چوہدری پاکستان نا بارواٹ غلط تاثر آتے مر کننگ کن ذرائع ابلاغ نا گچین کڑد انا کمک اٹ جہانی کہول آ لمہ وطن نا گچین دروشم ءِ تالان کننگ نا عزم انا درشانی ءِ کرسا پارے کہ وزیراعظم عمران خان نا وژن و سادگی و کفایت شعاری مہم ءِ گچین وڑاٹ الس اسکان سرکننگ اٹ وزارت اطلاعات و ذرائع ابلاغ نا اہم ءُ کڑد اسے ۔ دوشنبے نادے ایوان صدر اٹی بنجائی کابینہ نا باسک آتا سوغندی دود آن پد ’’اے پی پی‘‘ تون ہیت وگپ کرسا اوپارے کہ ذرائع ابلاغ نا معاملہ غاتا بارواٹ نئے بیرہ خلقت ءِ معلومدار کننگ و شعور بیدار کننگ بلکن قومی اہمیت نا معاملہ غاتے تالان کننگ اٹ اہم ءُ کڑد اسے۔
