اسلام آباد۔ 20 اگست (اے پی پی) وزیر خارجہ شاہ محمود قریشی پارینے کہ خارجہ پالیسی ٹی ننا اولیت آتا محور پاکستان و اونا فائدہ غاک مریرہ، الس نا گچینی کن اقتصادی سفارت کاری ءِ کاریم اٹ اتنگک، خارجہ امور آ قومی امنائی ءِ اولیت تننگک، دا چرجوئی ٹی حزب اختلاف نا بھلا جماعت آتے ہم سلابت نا سلہ خلنگک، اوغانستان اٹی امن و سوگوی پاکستان اٹی امن نا ضمانت ءِ ، بھارت تون کشمیر تون اوار متکن آ ویل آک ساڑی ءُ ولے اوفتا ایسری کن ہیت وگپ آن بیدس مون آ ہِننگ نا ہچ ءُ کسر اس اف، امریکہ نا اولیت و گڑتی تا اندازہ ارے ہرافتے مون آ تخسا دوٹوک وڑاٹ ہیت کینہ، ملک انا عزت و شرف بریبر مریک۔ او دوشنبے نادے داڑے وزارت خارجہ نا قلمدان ءِ سنبھالنگ آن پد پریس کانفرنس آن تران کریکہ۔
