اسلام آباد۔ 20اگست (اے پی پی) صدر مملکت و قومی و ہر چار آ صوبائی اسمبلی تا ضمنی گچین کاری تے کن پندار کاغد آتا دوئی کننگ و جمع کرفنگ نا عمل 27 اگست آن بناء کیک ۔ صدر نا گچین کننگ کن اومیت دارآک 27 اگست 12 بجہ اسکان پندارکاغد آتے جمع کرفنگ کیرہ وخت اس کہ قومی و صوبائی اسمبلی تا ضمنی گچین کاری کن ہندادے پندارکاغد آتے جاری کننگک۔ الیکشن کمیشن نا کنڈآن جاری کروک آ شیڈول نا رداٹ صدر مملکت کن پولنگ 4 ستمبر آ ہر چارآ صوبائی اسمبلی و پارلیمنٹ ہاؤس اٹی مریک وخت اس کہ قومی و صوبائی اسمبلی تا خورک نشست آتیا پولنگ 14 اکتوبر آ مریک۔
