اسلام آباد۔ 20 اگست (اے پی پی) صدر مملکت ممنون حسین مسہ زالبول تون اوار شانزدہ باسکی بنجائی کابینہ آن سوغند ہلک ۔ سوغندی دود دوشنبے نادے ایوان صدر اٹی اڈ ہلک ۔ داوخت آ وزیراعظم عمران خان ہم ساڑی ئس۔ دود اٹی اسپیکر قومی اسمبلی اسد قیصر، ڈپٹی سپیکر قومی اسمبلی قاسم سوری، پندار گورنر سندہ عمراں اسماعیل،پندار گورنر پنجاب چوہدری سرور، سیاسی راہشون، پارلیمان نا باسک آک و سینئر کمامدارآک ساڑی ئسر۔ دود انا باقاعدہ بنا تلاوت کلام پاک آن مس۔ سوغند ہرفوک آ بنجائی وزیر آتے ٹی مخدوم شاہ محمود قریشی (خارجہ امور)، پرویز خٹک (دفاع)، اسد عمر (خزانہ، ریونیو و اقتصادی امور)، ڈاکٹر فہمیدہ مرزا (بین الصوبائی رابطہ)، شیخ رشید احمد (ریلوے)، خالد مقبول صدیقی (انفارمیشن ٹیکنالوجی و مواصلات)، شفقت محمود (بنجائی تعلیم و کسبی تربیت، قومی تاریخ و ادبی میرات )، فواد احمد (اطلاعات و نشریات)، زبیدہ جلال (دفاعی پیداوار)، غلام سرور خان (پٹرولیم و قدرتی وسیلہ )، ڈاکٹر شیریں مزاری (انسانی حقوق)، نور الحق قادری (مذہبی امور و بین المذاہب ہم آہنگی)، چوہدری طارق بشیر چیمہ (ریاستیں و سیمی علاقہ جات)، سینیٹر ڈاکٹر محمد فروغ نسیم (کانودو انصاف)، عامر محمود کیانی (قومی جان جوڑی ، خذمت ، ریگولیشن و کوآرڈینیشن)، خسرو بختیار (ڈٹ بندی و شونداری و اصلاحات) اوار ءُ۔

متعلقہ مضامینمصنف کی طرف سے مزید