کوئٹہ۔19 اگست( اے پی پی ) جام کمال خان ءَ بلوچستان ءِ نوکیں سر وزیر ءِ بستار ءَ سوگند چست کت۔ سوگند چستی دیوان ءِ گورنر گس کوئٹہ ءَ بوت۔ جام کمال خان ءَ بلوچستان ءِ 16شانزدھمی گچین بوتگیں سر وزیر ءِ بستار ءَ سوگند چست کت۔ گورنر بلوچستان محمد خان اچکزئی ءَ سوگند آئی ءَ چہ گپت۔ سوگندی دیوان ءَ اسپیکر میر عبدالقدوس بزنجو، ڈپٹی اسپیکر سردار بابر موسیٰ خیل، گچین بوتگیں اسمبلی ءِ باسک ءُُ کابینہ ءِ وزیر آں ھوار قبائلی سروک ءُُ ٹوھیں اپسرگ شریک اَتنت۔
