لاہور۔19 اگست(اے پی پی ) پاکستان تحریک انصاف ءُُ مسلم لیگ (ق) ءِ یکجائی نامینتگیں امیت وار برائے سر وزیر پنجاپ عثمان احمد بزدار 186ووٹ گران ءَ پنجاپ ءَ سر وزیر گچین بوتگ وھدیکہ آئی ءِ دیم ءَ مسلم لیگ نواز ءِ نامینتگیں امیت وار محمد حمزہ شہباز شریف ءَ 159ووٹ گپت۔ سر وزیر ءِ گچین اسمبلی ءِ ایوان ءَ ڈویڑن رائے شماری ءِ وسیلگ ءَ کنگ بوتگ۔ سر وزیر ءِ گچین ءِ واستہ اسمبلی اجلاس ءِ کاروائی سپیکر پنجاپ اسمبلی چوہدری پرویز الہی ءِ سروکی ءَ 12:10 ءَ تلاوت ءِ کلام ءِ پاک ءُُ نعت شریف ءَ چہ بندات کنگ بوت۔ سروزیر ءِ گچین چیریں رائے شماری ءِ مٹ ءَ باسک آناں اسپیکر ءِ راستیں ءُُ چپیئیں نیمگ ءَ جم بوھان ءَ ایشی ءِ ھساب کنگ بوت اَنت ، ایشی ءَ ابید پیپلز پارٹی ءَ ایوان ءِ سروک ءِ گچین ءِ کار ءِ تہ ءَ بھر زوری نہ کنگ ءِ پیسلہ کت۔
