اسلام آباد۔ 19 اگست (اے پی پی) مزن وزیر عمران خان ءَ پنجاپ ءِ نوک گچین بوتگیں سر وزیر سردار عثمان بزدار ءَ را پنجاپ اسمبلی ءِ ایوان ءِ سروک گچین بوھگ ءِ پد ءَ مبارکی دیان ءَ گوشت کہ آئی ءِ گچین بوھگ ءَ نوکیں دور ءُُ باریگ ءِ بندات بیت۔ یک شمبے ءِ روچ ءَ مزن وزیر کارگس ءَ چہ جاڑی بوتگیں بیان ءِ رد ءَ وتی مبارکی کلوہ ءِ تہ ءَ آئی ءَ عثمان بزدار ءَ را سر وزیر پنجاپ گچین بوھگ ءِ پد ءَ پی ٹی آئی پارلیمانی پارٹی ءُُ کمکی گل آناں مبارک بات دات۔ آئی ءَ گوشت کہ سردار عثمان بزدار ءِ سر وزیر گچین بوھگ ءِ پد ءَ پنجاپ ءَ نوکیں دور ءِ بندات بیت۔
