اسلام آباد۔ 19 اگست (اے پی پی) 21باسکی بنجائی کابینہ (پگہ ) دوشنبے نادے تینا عہدہ غاتا سوغند ہرفک۔ سوغند ہرفوک آ کابینہ ٹی 16بنجائی وزیر و 5سلاہکار اوار ءُ۔ سوغندی دود ایوان صدر اٹ مریک۔ وزیراعظم آفس آن جاری سرجم احوال آتا رداٹ مخدوم شاہ محمود قریشی خارجہ امور، پرویز خٹک دفاع، اسد عمر خزانہ، ریونیو و اقتصادی امور، ڈاکٹر فہمیدہ مرزا بین الصوبائی رابطہ، شیخ رشید احمد ریلوے، خالد مقبول صدیقی انفارمیشن ٹیکنالوجی و مواصلات، شفقت محمود بنجائی تعلیم و کسبی تربیت، قومی تاریخ و ادبی میرات فواد احمد اطلاعات و نشریات، زبیدہ جلال دفاعی پیداوار، غلام سرور خان پٹرولیم و قدرتی وسیلہ ، ڈاکٹر شیریں مہر النساء مزاری انسانی حقوق، نور الحق قادری مذہبی امور و بین المذاہب ہم آہنگی، چوہدری طارق بشیر چیمہ ریاستیں و سیمی علاقہ جات، سینیٹر ڈاکٹر محمد فروغ نسیم کانود و انصاف، عامر محمود کیانی قومی جان جوڑی، خذمت ، ریگولیشن و کو آرڈینیشن و مخدوم خسرو بختیار آبی وسیلہ نا بنجائی وزیر مریک وخت اس کہ محمد شہزاد ارباب اسٹیبلشمنٹ، عبدالرزاق داؤد کامرس، ٹیکسٹائل، صنعت و پیداوار و زرکاری ، ڈاکٹر عشرت حسین ادارہ جاتی اصلاحات و بچت، امین اسلم موسمیاتی بدلی و ظہیر الدین بابر اعوان پارلیمانی امور نا سلاہکار مریرہ ۔
